وینس، 14 اکتوبر (یو این آئی) اٹلی کے شہر وینس میں ایک پولش خاتون سیاح گوگل میاپ کی مدد سے راستہ تلاش کرتے ہوئے نہر میں جاگری۔ فوٹوز اینڈ ویڈیوز شیئرنگ ایپ انسٹاگرام پر وکٹوریا گوزینڈا نامی سیاح کی وائرل ویڈیو میں دیکھا جا سکتا ہیکہ وہ فون میں مصروف سیڑھیاں اترتی ہیں اور اچانک پھسل کر پانی میں گرجاتی ہیں۔ خاتون نے ویڈیو کے کیپشن میں لکھا کہ جب گوگل میاپ کہے ’سیدھا جاؤ‘لیکن آپ وینس میں ہیں!اس واقعہ پر سوشل میڈیا صارفین کی جانب سے ملے جلے ردعمل کا اظہار کیا جارہا ہے ، بعض نے طنز کرتے ہوئے کہا، اگر پانی کے اندر جا رہی تھیں تو کیا توقع تھی، جبکہ دیگر نے مشورہ دیا کہ کبھی کبھی فون کی بجائے اردگرد بھی دیکھ لینا چاہئے ۔ سیاحت کے ماہرین کا اس حوالے سے کہنا ہیکہ وینس میں گوگل میاپ اکثر غلط رہنمائی کرتا ہے کیونکہ وہاں گلیوں اور پتوں کا نظام پیچیدہ ہے اور کئی راستے اچانک پانی پر ختم ہو جاتے ہیں۔ اسی لیے مقامی ماہرین سیاحوں کو مشورہ دیتے ہیں کہ وہ کاغذی نقشے یا مقامی رہنما استعمال کریں، نہ کہ صرف ڈیجیٹل ایپس پر اندھا اعتماد کریں۔