ریاض: ماہرامراض گردہ ڈاکٹر سمیر المعیلو نے کہا ہیکہ سعودی عرب میں گھر پر ڈائیلاسز کی سہولت فراہم کرنے والی نئی مشین متعارف کرائی گئی ہے۔ریاض میں ورلڈ ہیلتھ فورم کے موقع پر ایک اسپیشلسٹ کمپنی نے جدید ترین ٹیکنالوجی سے آراستہ گردوں کی صفائی کرنے والی مشین متعارف کرائی تھی۔ کمپنی نے اس حوالے سے بتایا تھا کہ گردے کے جو مریض اپنی مجبوری کی وجہ سے گھروں سے نہیں نکل سکتے اور ڈائیلاسز کیلئے انہیں ہاسپٹل جانا مشکل ہوتا ہے ان کیلئے نئی مشین مثالی ثابت ہو گی۔ ڈاکٹر سمیر نے کہا کہ ’کمپنی کو مذکورہ مشین کی خریداری کیلئے 95 درخواستیں مل گئی ہیں تاہم کمپنی نے صرف 60 مشینیں فراہم کرنے کا وعدہ کیا ہے۔‘ المعیلو نے کہا کہ ’آرامکو کمپنی نے ہوم ڈائیلاسز سروس فراہم کرنے کیلئے اسپیشلسٹ کمپنی کے ساتھ معاہدہ کر لیا ہے۔
