واشنگٹن: ہندوستانی نژاد ماہر اقتصادیات گیتا گوپی ناتھ کو بین الاقوامی مالیاتی فنڈ (آئی ایم ایف) کا پہلا ڈپٹی منیجنگ ڈائریکٹر مقرر کیا گیا ہے۔ گوپی ناتھ اگلے سال یہ نئی ذمہ داری سنبھالیں گی۔ وہ تین سال تک اس عالمی ادارے کی چیف اکنومسٹ (ماہر اقتصادیات)ہیں۔ اپنی نئی ذمہ داری کے تحت وہ آئی ایم ایف کی جانب سے پالیسیوں اور تحقیقی کاموں کی نگرانی کریں گی تاکہ تنظیم کی رپورٹس اور دیگر شائع شدہ مواد کے اعلیٰ معیار کو یقینی بنایا جا سکے۔ آئی ایم ایف کی ڈائریکٹر جنرل کرسٹالینا جارجیوا نے کہا کہ انھیں خوشی ہیکہ گوپی ناتھ نے ذمہ داری سنبھالنے پر رضامندی ظاہر کی ہے ۔گوپی ناتھ کی بطور چیف اکنومسٹ تین سالہ مدت اگلے سال جنوری میں ختم ہو رہی تھی، اور وہ دوبارہ امریکہ میں پڑھانے کیلئے واپس آنے والی تھیں۔
