حیدرآباد 31 دسمبر ( یو این آئی) آندھراپردیش کے وجئے واڑہ کی ایم جی روڈ پرواقع ایک لاج میں گیس سلینڈر پھٹ پڑاجس کے نتیجہ میں آگ کے شعلے بلند ہوگئے ۔اس واقعہ میں ایک شخص جھلس گیا تاہم دیگر تین افراد محفوظ طورپر باہر نکلنے میں کامیاب ہوگئے ۔مقامی افراد نے بتایا کہ لاج کے منیجر پراوین کمار نے بتایا کہ 12بجے دوپہر گیس سلینڈر سے گیس کا اخراج ہوا جس کے نتیجہ میں یہ گیس سلینڈر پھٹ پڑا۔اس واقعہ کے وقت باورچی خانہ میں کام کرنے والے ملازمین دھواں دیکھ کر فوری طورپر چوکس ہوگئے اور اپنی جان بچانے کے لئے متصل عمارت میں کو د پڑے ۔اطلاع ملتے ہی فائر بریگیڈ کے اہل کار وہاں پہنچے اور آگ پرقابو پایا۔اس واقعہ میں جھلسنے والے شخص کو علاج کیلئے فوری طورپر پرائیویٹ ہاسپٹل منتقل کردیاگیا۔
