بھونیشور۔ اوڈیشہ پولیس کی اسپیشل ٹاسک فورس (ایس ٹی ایف) نے جنگلیاتی حیات کے ایک مجرم کوگرفتار کیا ہے اور اس کے قبضے سے ہاتھی کا ایک دانت ضبط کرلیا ہے، ایک عہدیدار نے مزید کہا کہ آج ایک اطلاع پر کارروائی کرتے ہوئے، ایس ٹی ایف کی ایک ٹیم نے باراگڑھ ضلع کے کیندوبھٹہ کے قریب جنگلات کے عہدیداروں کی مدد سے چھاپہ مارا اور بولانگیر ضلع کے رمیش پردھان سے ہاتھی کا دانت ضبط کیا۔ایس ٹی ایف نے کہا کہ چونکہ ملزم شخص دانت کے قبضے کی حمایت میں کوئی درست اتھارٹی پیش نہیں کر سکا، پولیس نے اسے گرفتار کر لیا اور بعد میں ضروری قانونی کارروائی کے لیے بارہ گڑھ جنگلات کے حکام کے حوالے کر دیا۔ ایس ٹی ایف نے مزید کہا کہ گزشتہ ایک سال کے دوران ٹاسک فورس نے چیتے کی 20 کھالیں، ہاتھی کی 11 دانت، دو ہرن کی کھالیں، چھ زندہ پینگولین، 15 کلو گرام پینگولین کی چھلیاں ضبط کیں اور 43 جنگلیاتی حیات کے مجرموں کو گرفتار کیا۔
