واشنگٹن، یکم اکتوبر (یو این آئی) امریکی صدر ڈونالڈ ٹرمپ کا کہنا ہے کہ ہارورڈ کے ساتھ ڈیل کو حتمی شکل دینے کے قریب ہیں۔ ٹرمپ نے وائٹ ہاؤس میں بتایا کہ ہارورڈ یونیورسٹی 50 کروڑ ڈالر ادا کرے گی، ہارورڈ یونیورسٹی ٹریڈ اسکول چلائے گی، اے آئی سکھائے گی۔ انہوں نے کہا کہ بچوں کو کینسر سے بچانے کیلئے اقدامات کررہے ہیں، مصنوعی ذہانت کو بہتر بنایا جائے گا۔ ٹرمپ کا کہنا تھا کہ امریکہ اے آئی میں چین سے آگے جاچکا ہے ، امریکہ میں 17ٹریلین ڈالر کی سرمایہ کاری آرہی ہے ، ہم نے 8 ماہ میں بہت سارے ریکارڈ بنائے ۔ انہوں نے کہا کہ لوگوں کو اے آئی اور دیگر ہنر سکھانے پر 500 ملین ڈالر خرچ کریں گے ۔
