حیدرآباد 20اپریل (یواین آئی) تلنگانہ کے ضلع نرمل میں کستوربا گاندھی بالیکا ودیالیہ (کے جی بی وی) سے تعلق رکھنے والی 11 طالبات نرسا پور منڈل مستقرمیں اپنے ہاسٹل میں رات کا باسی کھانا کھانے کے بعد بیمار پڑگئیں ۔ تین ہفتوں کے وقفہ میں اس تعلیمی ادارہ میں اس طرح کا یہ دوسرا واقعہ ہے ۔کے جی بی وی کی انچارج اسپیشل آفیسر ونیتا نے بتایا کہ رات کے 10 بجے رات کے کھانے کے بعد 11 طالبات نے پیٹ میں درد اور اسہال کی شکایت کی۔ تین طالبات کو نرمل کے ایک اسپتال میں داخل کرایا گیا، سات طالبات کو ان کے والدین کی درخواست کے مطابق گھر بھیج دیا گیا۔ انہوں نے کہا کہ فوڈ پوائزننگ کے واقعات کی روک تھام کیلئے اقدامات کیے جا رہے ہیں۔ والدین نے اسکول میں وقفہ وقفہ سے سمیت غذا پر تشویش کا اظہار کیا۔ انہوں نے حکام سے اس مسئلہ کو حل کرنے اقدامات کرنے کی درخواست کی۔3 اپریل کو اسی ادارہ میں ناشتہ میں باسی کھانا کھانے سے 25 طالبات مبینہ طور پر بیمار ہو گئی تھیں۔ اس وقت کی اسپیشل آفیسر سنیتا، ہیڈ کک پدما کو تب معطل کردیا گیا تھا۔
