ہالی ووڈ فلم ’’بلیک پینتھر‘‘کے ہیرو چیڈوک بوسمین کا انتقال

   

ماسکو۔مارول اسٹوڈیو کی فلم ’’بلیک پینتھر‘‘ میں مرکزی کردار اداکرنے والے اداکار چیڈوک بوسمین کا کینسر کے سبب43 سال کی عمر میں انتقال ہوگیا۔ بوسمین کے سرکاری ٹوئٹر ہینڈل سے ان کے افرادِ خاندان نے جمعہ کی دیر رات یہ اطلاع دی۔ وہ بڑی آنت (کولن) کے کینسر میں مبتلا تھے۔افرادِ خاندان کی جانب سے جاری بیان میں کہا گیا ’’بے حد دکھ کیساتھ کہنا پڑ رہا ہے کہ چیدوک بوسمین اب اس دنیا میں نہیں رہے۔ ان کے 2016ء میں آنت کے کینسر کے تیسرے مرحلے میں مبتلا ہونے کا پتہ چلا تھا اور تب سے ان کا علاج چل رہا تھا۔ پچھلے چار برسوں میں اپنی سرجری اور کیموتھراپی کے درمیان کئی فلموں کی شوٹنگ کی۔