ہانگ کانگ ۔ 13 ستمبر (سیاست ڈاٹ کام) ڈبلیو ٹی اے ہانگ کانگ اوپن وومنس ٹینس ٹورنمنٹ کو ملتوی کردیا گیا ہے۔ منتظمین کے بموجب ہانگ کانگ میں جاری احتجاج اور افراتفری کے ماحول کی وجہ سے ٹورنمنٹ ملتوی کردیا گیا ہے۔ ہانگ کانگ ٹینس اسوسی ایشن کے بیان میں کہا گیا ہیکہ موجودہ حالات کے پیش نظر ہانگ کانگ ٹینس اسوسی ایشن اور ڈبلیو ٹی اے نے ایونٹ کو ملتوی کرنے کا فیصلہ کیا ہے۔ یاد رہے مذکورہ ایونٹ 5 تا 13 اکٹوبر منعقد شدنی تھا جس میں وینس ولیم، انجلی کربر اور کیرولین ووزنیاکی کے ہمراہ کئی اہم کھلاڑی شرکت کرنے والی تھی۔
