حیدرآباد ۔ شہر حیدرآباد کے نواحی علاقہ چرلہ پلی انڈسٹرئیل ڈیولپمنٹ ایریا کے تقریبا 300افرادبشمول چھوٹے صنعتی یونٹس کے تاجرین،ٹی آرایس کے لیڈر کے کورونا سے مثبت پائے جانے کے بعد گھروں میں الگ تھلگ ہوگئے ۔جو افراد اپنے گھروں میں الگ تھلگ ہوگئے ان میں میڑچل اور ملکاجگری اضلاع سے تعلق رکھنے والے اضلاع اور بعض دیگر ضلعی عہدیدار شامل ہیں۔ان میں سے بیشتر نے ریاستی حکومت کے باوقار ہریتاہارم پروگرام میں حصہ لیتے ہوئے شجرکاری کی تھی۔اس پروگرام میں ضلع سے تعلق رکھنے والا ٹی آرایس لیڈر بھی شریک ہوا تھا جو انڈسٹرئیل ایریالوکل اتھاریٹز کا بھی رکن تھا۔اس میں پروگرام میں حصہ لینے کے بعد کورونا کی علامات پائی گئیں جس کے بعد جانچ کرنے پر وہ کوویڈ19سے مثبت پایاگیا۔اس مثبت رپورٹ کے بعد اس بات کی اطلاع اس پروگرام میں حصہ لینے والے افرادکو ملی جس کے بعد تقریبا 30چھوٹے تاجرین جو اس پروگرام میں اس سے قریب تھے نے خود کو گھروں میں الگ تھلگ کرلیا۔پارٹی کے کارکنوں سے بھی خواہش کی گئی کہ وہ اپنے گھروں میں الگ تھلگ رہیں۔اسی دوران اس ٹی آرایس لیڈر کو الگ تھلگ مرکز منتقل کردیاگیا جہاں اس کا علاج کیاجارہا ہے ۔
