بروسیلز،5 اگست (یو این آئی) غزہ پر اسرائیل کی جنگ کے خلاف1,000 سے زیادہ سائنسدانوں نے یورپی تنظیم برائے نیوکلیئر ریسرچ (سی ای آر این ) سے درخواست کی ہے کہ وہ غزہ پر اسرائیل کی جنگ پر کارروائی کرے اور اس پر زور دیا کہ وہ اپنے اصولوں پر عمل کرے ، بشمول اس امر سے کہ فوجی ضروریات کیلئے کام سے انہیں کوئی سروکار نہیں۔پٹیشن میں لکھا گیا ہے کہ “سائنسدانوں کے طور پر، ہم پختہ یقین رکھتے ہیں کہ بین الاقوامی تعاون، علم کا اشتراک اور خیالات کی آزادانہ نقل و حرکت انسانی ترقی اور امن کے عظیم محرک ہیں۔ مشرق وسطیٰ کے سائنسدان دہائیوں سے جاری علاقائی کشیدگی اور تنازعات کے باوجود ان اصولوں کو برقرار رکھنے میں ثابت قدم رہے ہیں، درخواست میں کہا گیا کہ سائنسدانوں کی حیثیت سے ، ہم یہ برداشت نہیں کر سکتے کہ اسرائیلی حکومت کی طرف سے فلسطینیوں پر مسلط کردہ جنگ کی موجودہ حالت، ناقابل قبول جانوں کے نقصانات اور انسانی وقار کیلئے خطرہ ہے اسرائیل اور فلسطینی سائنسدانوں کے اپنے درمیان اور باقی کمیونٹی کے ساتھ جاری پرامن تعاون کو بھی نقصان پہنچاتی ہے ۔سی ای آر این دنیا کا سب سے طاقتور پارٹیکل ایکسلریٹر Large Hadron Collider کا گھر ہے ۔
