لندن : پاکستان مسلم لیگ نے بانی رہنما محمد نواز شریف نے کہا ہے کہ پاکستان ایک ذمہ دار ایٹمی مملکت ہے، ہمارا ایٹمی پروگرام کسی بھی ملک کے لیے خطرہ نہیں ہے۔ سابق وزیر اعظم نواز شریف نے سوشل میڈیا پر امریکی صدر جوبائیڈن کے بیان پر ردِ عمل کا اظہار کیا ہے۔ نواز شریف نے کہا ہے کہ پاکستان ایک ذمہ دار ایٹمی مملکت ہے جو بین الاقوامی قوانین اور طریقوں کا احترام کرتے ہوئے اپنے قومی مفادات کا تحفظ کرنے کی مکمل صلاحیت رکھتا ہے۔ تمام آزاد ملکوں کی طرح، پاکستان اپنی خود مختاری، علاقائی سالمیت کے تحفظ کا حق محفوظ رکھتا ہے۔
