معروف امریکی اداکار رچرڈ گیئر کی ڈونالڈ ٹرمپ پر شدیدتنقید
گریناڈا:میں جس جگہ سے آ رہا ہوں وہ جگہ یعنی امریکہ ایک بہت ہی تاریک دور سے گزر رہا ہے ۔ ہمارے پاس ایک غنڈا اور ٹھگ موجود ہے جو امریکہ کا صدر ہے ۔ مشہور امریکی اداکار کے اس بیان نے دنیا بھر میں آگ لگا دی ہے ۔ میڈیا رپورٹس کے مطابق مشہور و معروف امریکی اداکار رچرڈ گیئر نے امریکی صدر ڈونلڈ ٹرمپ پر شدید ہی نہیں لوگوں کو چونکا دینے والی تنقید کی ہے ۔ انھوں نے ٹرمپ کو ’’غنڈہ‘‘ اور ’’ٹھگ‘‘ قرار دے دیا۔رچرڈ گیئر ہفتے کے روز اسپین کے شہر گریناڈا میں ہسپانوی آسکرز کی تقریب میں شریک تھے ۔ انھوں نے ایک ایوارڈ بھی حاصل کیا اور دھواں دھار تقریر کی جس نے اسپین اور بین الاقوامی سطح پر میڈیا میں ہیڈ لائنز بناکر ہلچل مچادی۔اے ایف پی کے مطابق اسپین کے اعلیٰ فلمی اعزازات میں سے ایک، بین الاقوامی گویا ایوارڈ حاصل کرنے والے 75 سالہ رچرڈ گیئر نے کہا کہ آمریت صرف امریکہ تک محدو د نہیں یہ ہر جگہ عروج پر ہے ۔انھوں نے کہا کہ ہم امریکہ میں ایک انتہائی تاریک دور میں ہیں۔یہ صرف امریکہ میں نہیں، ہر جگہ ہو رہا ہے ، آمریت ہم سب کو اپنی لپیٹ میں لے چکی ہے ۔
