ہماچل پردیش کے بلاس پور میں ایک جلسہ عام سے خطاب کرتے ہوئے وزیر اعظم نریندر مودی نے کہا کہ ہماچل مواقع کی ریاست ہے۔ یہاں بجلی پیدا ہوتی ہے، پھلوں اور سبزیوں کے لیے زرخیز زمین ہے اور یہاں سیاحت سے روزگار کے لامتناہی مواقع موجود ہیں۔ ہماچل کا ایک اور رخ بھی ہے، جس میں یہاں ترقی کے لامحدود امکانات پوشیدہ ہیں۔ یہ میڈیکل ٹورازم کا پہلو ہے۔ یہاں کی آب و ہوا، یہاں کا ماحول، یہاں کی جڑی بوٹیاں اچھی صحت کے لیے بہت موزوں ہیں۔ ہماچل ملک کی ان 3 ریاستوں میں سے ایک ہے جنہیں بلک ڈرگ پارکس کے لیے منتخب کیا گیا ہے۔ ہماچل بھی ان 4 ریاستوں میں سے ایک ہے جنہیں میڈیکل ڈیوائس پارک کے لیے منتخب کیا گیا ہے۔ نالہ گڑھ میں میڈیکل ڈیوائس پارک کا سنگ بنیاد اسی کا حصہ ہے پی ایم مودی نے کہا کہ بلاس پور کو آج تعلیم اور صحت کا دوہرا تحفہ ملا ہے۔ آج یہ سب کچھ آپ کے ووٹ کی طاقت ہے۔ 8 سال میں ملک اب پرانی سوچ کو پیچھے چھوڑ کر نئی سوچ کے ساتھ آگے بڑھ رہا ہے۔ جب میں یہاں آتا تھا تو دیکھتا تھا کہ یہاں ایک یونیورسٹی سے گزارہ ہوتا تھا۔ سنگین امراض، تعلیم یا روزگار کے لیے چندی گڑھ اور دہلی جانا ہماچل کی مجبوری تھی۔ آج ہماچل میں آئی آئی ٹی اور ایمس بھی ہیں۔
