نئی دہلی :راہول گاندھی نے آج دہلی کے رام لیلا میدان میں جلسہ سے خطاب کرتے ہوئے ایک بار پھر کانگریس کارکنان کو ’ببر شیر‘ کہہ کر پکارا اور کہا کہ ہمیں ڈرپوک لوگ نہیں، ببر شیر کانگریسی چاہیے۔ راہول نے عآپ کارکنان کو بھی ببر شیر بتایا اور کہا کہ دونوں (کانگریس اور عآپ کارکنا) کا ملن اس لیے ہوا ہے تاکہ ہندوستانی آئین کی حفاظت کی جا سکے۔ اگر آئین ختم ہو گیا تو ملک کے غریبوں، مزدوروں، دلتوں سے ان کے حقوق چھین لیے جائیں گے۔ دہلی کی سات سیٹوں کیلئے 25مئی کو لوک سبھا الیکشن کے چھٹے مرحلہ میں ووٹ ڈالے جائیں گے۔
