کابل : افغان دارالحکومت کابل میں برقع پوش طالبات نے طالبان کی پالیسیوں کے حق میں ریلی نکالی۔ غیرملکی خبر رساں ادارے کے مطابق ہفتے کے روز کابل یونیورسٹی میں تقریباً 300 خواتین نے یہ مارچ شروع کیا جو بعد ازاں سڑکوں پر بھی جاری رہا۔ انہوں نے کہا کہ طالبات اگر تعلیم حاصل کرنا چاہتی ہیں تو انہیں سر تا پاؤں برقع پہننا چاہیے۔ اس موقع پر ان خواتین نے مختلف پلے کارڈز اور طالبان کے سفید جھنڈے بھی تھامے ہوئے تھے۔ اس مظاہرے میں شریک ایک طالبہ کا کہنا تھا کہ وہ ایسی بے پردہ خواتین کے خلاف ہیں، جو کابل کی سڑکوں پر احتجاج میں خود کو افغان خواتین کی نمائندہ قرار دیتی ہیں۔
