تہران: ایرانی صدر ابراہیم رئیسی نے فلسطینی مزاحمتی گروپوں حماس اور اسلامی جہاد کی قیادت سے رابطہ کیا ہے۔ایرانی صدر نے حماس کے سیاسی دفتر کے سربراہ اسماعیل ھنیہ اوراسلامی جہاد کے جنرل سیکرٹری زیاد النخالا سے ٹیلی فونک رابطہ کیا اور فلسطین کی صورتحال پر گفتگو کی۔ایرانی ایجنسی ارنا کے مطابق ابراہیم رئیسی نے اسماعیل ہنیہ سے ٹیلیفون پر گفتگو میں آپریشن طوفان الاقصیٰ کی تعریف کی اور کہا کہ مجاہدین نے آپریشن طوفان الاقصیٰ کے ذریعے مقبوضہ فلسطین کے اندر اپنی کارروائیوں سے امت مسلمہ کا سر اونچا کردیا ہے۔انہوں نے کہا کہ ہم بہت جلد ایک ساتھ مسجدالاقصیٰ میں نماز پڑھیں گے۔ صدرترکیہ رجب طیب اردغان نے کہا کہ دارالحکومت بیت المقدس کے ساتھ فلسطین ریاست وقت کی ضرورت ہے۔ امریکہ نے کہا کہ اسرائیل پر حملوں میں ایران کے ملوث ہونے کے شواہد نہیں ملے ہیں۔
