نئی دہلی۔ اولمپک میں برونز میڈل جیتنے والے پہلوان بجرنگ پونیا نے پیرکو برج بھوشن شرن سنگھ کے کے خلاف پہلوانوں کے جنسی ہراسانی کے الزامات کی سچائی کا پتہ لگانے کے لیے نارکو تجزیہ ٹسٹ کروانے کے چیلنج کو قبول کیا۔ ڈبلیو ایف آئی کے سربراہ نے اتوار کو ایک فیس بک پوسٹ میں کہا کہ وہ اپنی بے گناہی ثابت کرنے کے لیے نارکو تجزیہ یا پولی گراف ٹسٹ کے لیے حاضر ہونے کے لیے تیار ہیں۔ میں نارکو ٹسٹ، پولی گراف ٹسٹ یا جھوٹ پکڑنے والا ٹسٹ کروانے کے لیے تیار ہوں، لیکن میری شرط یہ ہے کہ ونیش پھوگاٹ اور بجرنگ پونیا بھی میرے ساتھ یہ ٹسٹ کروائیں، اگر دونوں پہلوان اس سے گزرنے پر راضی ہیں تو پریس کانفرنس کر کے اعلان کریں۔ میں ان سے وعدہ کرتا ہوں کہ میں ٹسٹ کے لیے تیار ہوں۔ انہوں نے ہندی میں پوسٹ کیا۔
