نئی دہلی ۔ ہندستان کے پانچ باکسروں نے اپنی شاندار کارکردگی جاری رکھتے ہوئے پولینڈ کے کلس میں جاری آئبا ورلڈیوتھ بوکسنگ ٹورنمنٹ کے کوارٹر فائنل میں داخلہ حاصل کرلیا ہے ۔ ایشیائی جونیئر چیمپئن بسوامتر چونگتھم نے 49کلوگرا م زمرے میں کھوسروشاہی پروج کو 5-0سے شکست دیکر آخری آٹھ میں جگہ بنالی منی پور کے بسوامتر کے علاوہ نکت نروال، اترپردیش کے وشال گپتا(91) اور ہریانہ کے بھیوانی کے سچن(56) نے کوارٹر فائنل میں جگہ بنا لی ہے ۔ ایشیائی نوجوان سلور میڈل کے فاتح ہریانہ کے انکت نے پولینڈ کے باکسر اولیویرجموجسک کو 64کلوگرام زمرہ میں4-1 سے شکست دی۔ وشال اور سچن نے بالترتیب کروئیشیا کے بورنو لنکارک اور کولمبیا کے جوس والڈیز کو5-0 سے شکست دیکر آخری آٹھ میں جگہ بنائی۔ خواتین زمرہ میں گیتیکا (48) نے اپنی اثر انگیزکارکردگی جار ی رکھتے ہوئے قزاقستان کی اریلم مرات کو 5-0 سے شکست دیکر آخری آٹھ میں جگہ بنائی لیکن نشاگجر(64) کو پری کوارٹر میں لاتیویا کی بے آٹریز رازنٹالے سے 1-4سے شکست کا سامنا کرنا پڑا۔کوارٹر فائنلز میں پانچ ہندستانی خواتین مکہ بازپونم (57)، الفیا پٹھان (+81)، خوشی (81)، گیتیکا (48) اور ونکا (60) سیمی فائنل میں پہنچنے اور ملک کے لئے ایک میڈل یقینی کرنے کے ارادے سے اتریں گی جبکہ آکاش گورکھا (60)، منیش (75)، سمت (69) اور ونیت (81) مردہ کے زمرہ میں پری کوارٹر فائنل میں اتریں گے ۔
