انقرہ : ترک میڈیا نے دعویٰ کیا ہیکہ بھارتی حکام نے افغان طالبان سے دوحا میں خفیہ ملاقات کی ہے تاکہ افغانستان میں اپنے مفادات کا تحفظ یقینی بنانیکی کوشش کی جاسکے۔ ترک میڈیا کے مطابق افغان طالبان اور ہندوستانی حکام کی براہ راست خفیہ ملاقات اسی ماہ ہوئی ہے جس کی تصدیق قطر کے خصوصی مندوب ماجد القحطانی نے کی ہے۔ ترک میڈیا کا کہناہیکہ ہندوستان کے وزیرخارجہ جے شنکر نے 9 اور 15 جون کو دوحہ کا دورہ کیا تھا۔اس معاملے پر مقبوضہ کشمیر کی سابق وزیراعلیٰ محبوبہ مفتی نے سوال کیا کہ اگر مودی سرکار طالبان سے بات کرسکتی ہے تو پاکستان سے کیوں نہیں؟۔انہوں نے کہا کہ مودی سرکار اگر طالبان سے بات کررہی تو مسئلہ کشمیر حل کرنے کیلئے پاکستان سے بات کرنی چاہیے اور خطے میں امن لانا چاہیے۔