نئی دہلی 11ستمبر (یو این آئی) روسی فوج میں کچھ ہندوستانیوں کے شامل ہونے کی افواہیں میڈیا میں گشت کر رہی ہیں، جس پر وزارت خارجہ نے ہندوستانی شہریوں کو خبردار کیا ہے کہ وہ روسی فوج میں شامل ہونے کی کسی بھی پیشکش کے بہکاوے میں نہ آئیں۔ وزارت خارجہ کے ترجمان رندھیر جیسوال نے جمعرات کو میڈیا سے کہا کہ ہندوستانیوں کو ایسی پیشکش سے دور رہنا چاہیے۔ حکومت نے گزشتہ ایک سال میں کئی مواقع پر ایسی کارروائیوں میں پوشیدہ خطرات اور خدشات کو اجاگر کیا ہے ۔ روسی فوج میں شامل ہونے والے ہندوستانیوں کے اہلِ خانہ کا کہنا ہے کہ فوج میں بھرتی کے بعد انہیں واپس آنے کی اجازت نہیں دی جاتی۔
