انسانی اسمگلنگ کا شبہ‘نا معلوم اطلاع پر فرانس کی کاروائی
پیرس :انسانی اسمگلنگ کے شبہ پر ہندوستانی مسافروں سے بھرے طیارے کو فرانس کے ایئرپورٹ پر روک کر 2 افراد کو حراست میں لے کر تحقیقات شروع کردی گئیں۔متحدہ عرب امارات (یو اے ای) سے نکاراگوا جانے والا طیارہ فرانس کے وتری ایئرپورٹ پر ایندھن لینے کیلئے اترا تھا۔ طیارے میں سوار 303 مسافروں میں سے 300 ہندوستانی شہری ہیں۔پیرس میں پراسیکیوٹر کا کہنا ہے کہ طیارے میں انسانی اسمگلنگ کے شکارافراد کی موجودگی کی گمنام اطلاع پر طیارے کو گراؤنڈ کیا گیا۔طیارے میں سوار مسافروں اور کیبن عملہ کو عارضی کیمپ میں منتقل کردیا گیا جہاں تحقیقات جاری ہیں جبکہ طیارے میں سوار افراد کو ہندوستانی قونصلر تک رسائی دے دی گئی ہے۔فرانسیسی قانون کے تحت فرانس میں روکے جانے والے غیرملکی مسافروں کو کم سے کم 4 روز جب کہ غیرمعمولی حالات میں زیادہ سے زیادہ 26 دن تک روکا جاسکتا ہے۔
