نئی دہلی۔ سابق بلے باز گوتم گمبھیر نے کہا ہے کہ موجودہ ہندوستانی کرکٹ ٹیم پاکستان سے کہیں زیادہ بہتر ہے۔ پاکستان سے بھی حالانکہ امیدیں کافی زیادہ ہیں لیکن فی الحال دیکھا جائے تو ہندوستان، پاکستان سے کہیں زیادہ بہتر ہے۔گوتم گمبھیر نیاسٹار اسپورٹس کے پروگرام ’گیم پلان‘ پر بات چیت کے دوران کہا ’بے شک ٹی-20 فارمیٹ میں کوئی بھی کسی کو بھی شکست دے سکتا ہے، اس لیے ہمیں کسی بھی ٹیم کو ہلکے میں نہیں لینا چاہیے۔ مثال کے طور پر آپ کو افغانستان کو ہلکے میں نہیں لینا چاہیے، جس میں راشد خان جیسے کھلاڑی پریشان کر سکتے ہیں۔ پاکستان کے ساتھ بھی ایسا ہی ہے لیکن ہاں پاکستان پر دباو ہوگا‘۔سابق ہندوستانی بلے باز نے آئی سی سی ٹی-20 عالمی کپ شیڈول کے بارے میں کہا ’گروپ ون زبردست گروپ ہے اور سچ میں یہ حقیقی گروپ ہے جس میں انگلینڈ اور آسٹریلیا کے علاوہ ویسٹ انڈیز اور جنوبی افریقہ بھی شامل ہے اور ٹی-20 ورلڈ کپ کا پہلا میچ بھی آسٹریلیا اور جنوبی افریقہ کے درمیان ہوگا جو بہت دلچسپ ہوگا۔یہ بھی پڑھیں: ٹوکیو اولمپینز کے ساتھ وزیراعظم نریندر مودی کی یادگار ملاقاتویسٹ انڈیز ہمیشہ بہت ہی غیر متوقع ٹیم رہی ہے۔ اس کے پاس جس طرح کی قابلیت ہے‘ وہ تیسری مرتبہ بھی جیت سکتا ہے۔ انگلینڈ کے پاس بھی یہ صلاحیت ہے۔ ون ڈے عالمی کپ جیتنے کے بعد شاید وہ گذشتہ کچھ برسوں میں سب سے اچھا مظاہرہ کرنے والی وائٹ بال ٹیم بن گئی ہے۔آسٹریلیا حقیقت میں رڈار سے باہر ہو گیا ہے، شاید اس لیے کہ کافی اہم کھلاڑی غائب ہیں لیکن پھر مجھے لگتا ہے کہ وہ ٹی-20 عالمی کپ میں خطرناک ثابت ہو سکتے ہیں۔
