دبئی : آئی سی سی چمپئنزٹرافی2025 کیلیے ہندوستانی کرکٹ ٹیم کی جرسی پر ایونٹ کے لوگو میں پاکستان کا نام لکھا ہوگا۔ بی سی سی آئی نے پاکستان کے نام کیساتھ ’لوگو‘ والی شرٹ پہننے کی تصدیق کردی۔ آئی سی سی قانون کے مطابق تمام ٹیموں کیلئے منظور شدہ لوگو استعمال کرنا لازمی ہوگا۔ قبل ازیں میڈیا کی جانب سے دعویٰ کیا گیا تھا کہ ہندوستانی ٹیم کی جرسی پر پاکستان کا نام لکھا نہیں ہوگا۔ تاہم اب بی سی سی آئی سیکریٹری دیواجیت سائیکیا نے کہا ہے کہ ہم آئی سی سی کی قواعد کے مطابق چلیں گے۔ چمپئنز ٹرافی کیلئے ہندوستانی جرسی پر ایونٹ کا آفیشل لوگو ہی ہوگا۔ کرکٹ ویب سائٹ ساتھ بات چیت کرتے ہوئے سیکریٹری بی سی سی آئی نے کہا ہے کہ ہندوستانی ٹیم آئی سی سی قوانین کی پابندی کرے گی۔ ہم آئی سی سی احکامات پر عمل کریں گے۔ ذرائع کے مطابق آئی سی سی وفد کے حالیہ دورہ پاکستان کے دوران پی سی بی نے پالیسیوں پر عمل درآمد پر زور دیا تھا۔آئی سی سی قوانین کے مطابق تمام ٹیموں کیلیے منظور شدہ ’لوگو‘ استعمال کرنا لازمی ہے۔ تمام ٹیمیں پلیئنگ اور ٹریننگ کٹس آئی سی سی کو منظوری کیلیے بھیجتی ہیں، ’لوگو‘ کا درست استعمال نہ ہونے پر کٹ کو مسترد کردیا جاتا ہے۔آئی سی سی قانون کے مطابق ’لوگو‘ کا درست استعمال نہ کرناقواعدکی خلاف ورزی ہوگی۔یادرہے کہ ہندوستانی ٹیم اپنے مقابلے امارات میں کھیلے گی ۔
