نئی دہلی: ہانگ کانگ نے 14 روز کیلئے ہندوستان سے آنے والی پروازوں پر پابندی عائد کردی ہے۔ وساراایئر لائن کا ایک مسافر حال ہی میں کوویڈ مثبت نکلاہے جس کے بعد یہ فیصلہ کیا گیا۔ ہانگ کانگ نے یہ پابندی پاکستان اور فلپائن سے آنے والی پروازوں پر بھی عائد کردی ہے۔ یہ معلومات ہانگ کانگ کی حکومت کی جانب سے دی گئی ہیں۔ایک بیان میں کہا گیا ہے کہ حکومت نے ہندوستان، پاکستان اورفلپائن سے آنے والی پروازوں پر پابندی لگانے کا فیصلہ کیا ہے۔ ان ممالک سے آنے والی پروازیں اگلے 14 دن تک ہانگ کانگ نہیں جاسکتی ہیں۔اس پریس ریلیز میں ان تینوں ممالک کوانتہائی خطرناک گروپ اے کے طور پر درجہ بندکیاگیاہے جس کے تحت ان ممالک سے آنے والے لوگوں پر پابندی ہوگی۔