پالی کیلے۔ نئے کوچ گوتم گمبھیر اورکپتان سوریا کمار یادوکی قیادت میں، ایک متوازن ہندوستانی ٹیم میں کوئی زیادہ تبدیلی نظر نہیں آئے گی، سری لنکا کی کمزوریوں سے فائدہ اٹھانے کی کوشش کرے گی اور بے اثر تیسرے مقابلے میں کامیابی حاصل کرتے ہوئے سیریز میں وائٹ واش کرنے کی کوشش کرے گی جیسا کہ دونوں ٹیموں کے درمیان رواں سیریز کا آخری ٹی 20 منگل کو یہاں کھیلا جائے گا۔ سیریزکا فیصلہ پہلے ہی اس وقت ہوا جب ہندوستان نے پہلے دو میچوں میں سری لنکا کو شکست دی اوراب میزبان ٹیم کے سر پر وائٹ واش کا خدشہ ہے ۔ ہندوستان نے اتوار کو دوسرے ٹی20 میں بارش کی وجہ سے ہونے والے میچ میں سات وکٹوں سے فتح حاصل کرتے ہوئے سیریز اپنے نام کرلی۔ میزبان ٹیم برق رفتار شروعات کے باوجوددوسرے مقابلے میں بھی ناکام ہوگئی۔ اسی دن حالانکہ سری لنکا کی خواتین ٹیم نے دمبولا میں اپنے پہلے ویمنزٹی20 ایشیا کپ خطاب کے لیے فائنل میں ٹورنمنٹ کی پسندیدہ ہندوستان کو شکست دی لیکن ایسا لگتا ہے کہ مردوں کی ٹیم پر اس کا کوئی اثر نہیں ہوا جو موجودہ مسائل سے دوچار ہے۔ درمیانی اوورز میں سری لنکا کی مایوس کن بیٹنگ اس سیریز میں اب تک ناکام ہونے کی سب سے بڑی وجہ کی طور پر موجود ہے، جب کہ ہندوستان نے ایک حقیقی عالمی چمپئن کی طرح اپنی فتوحات کے سلسلہ کو آگے بڑھایا ہے۔ ہندوستان نے اپنے منصوبوں، مہارتوں اور عمل پر زیادہ اعتماد کا مظاہرہ کرتے ہوئے اور دباؤ میں کبھی نہیں جھکتے ہوئے، نمایاں فرق سے خود کو اعلیٰ فریق ثابت کیا ہے۔ بولرس دوست کپتان سوریا کمار نے نہ صرف اپنے دستوں کو درستگی کے ساتھ بولنگ میں موثر تبدیلیاں کرنے کے لیے استعمال کیا ہے، بلکہ وہ اب تک دو مقابلوں میں 58 اور 26 رنز بنا کر بیٹنگ میں بھی قیادت کرتے نظر آئے ہیں۔ یہ دیکھنا باقی ہے کہ کیا نائب کپتان اور اوپنر شبمن گل گردن میں اکڑن کی وجہ سے دوسرے مقابلے سے محروم ہونے کے بعد تیسرے مقابلے کے لیے وقت پر فٹ ہوتے ہیں یا نہیں۔ ان کے متبادل، سنجو سیمسن کو بارش کے وقفے کی وجہ سے اپنی پہلی گیند کا سامنا کرنے کے لیے ایک گھنٹے سے زیادہ انتظارکرنا پڑا اور جب ان کا موقع آیا تو دائیں ہاتھ کے بیٹر نے مہیش تھیکشنا کی پہلی گیند پرگولڈن ڈک ہوئے۔مقابلہ رات 7 بجے شروع ہوگا۔
