کولکتہ ۔ ہندوستان اور سری لنکا کی ٹیمیں جمعرات، 12 جنوری کو تین ونڈے میچوں کی سیریز کے دوسرے میچ میں کل یہاں کولکتہ کے ایڈن گارڈنز میں آمنے سامنے ہوں گی۔ٹی20 سیریز 2-1 سے جیتنے کے بعد ہندوستان نے منگل 10 جنوری کو ونڈے سیریز میں ایک شاندار آغازکیا۔ ویراٹ کوہلی کو ونڈے میں اپنی45 ویں سنچری بنانے پر میچ کا بہترین کھلاڑی قرار دیا گیا۔ کوہلی نے اپنی اننگز میں ملنے والے دو مواقع سے فائدہ اٹھاتے ہوئے اسے اپنی سنچری تک پہنچایا جیسا کہ داسن شناکا اور کوسل مینڈس نے انہیں دو بار کیچ چھوڑ کر یہ مواقع دئے۔ روہت شرما (83) اور شبمن گل (70) نے بھی نصف سنچریاں بناکر میزبان ٹیم کو 373 کے بڑے اسکور کو یقینی بنایا۔ کے ایل راہل نے بھی 29 گیندوں پر 39 رنز کی عمدہ اننگز کھیلی۔کسن راجیتھا نے 88 رنز کے عوض تین وکٹیں حاصل کیں، لیکن وہ بھی بدقسمت رہے کیونکہ ان کی بولنگ سے دو کیچز گرائے گئے۔ وینندو ہسرنگا کا مایوس کن دن تھا کیونکہ انہوں نے بغیرکوئی وکٹ حاصل کیے 67 رنز دیے۔ باقاعدہ وکٹیں گرنے کی وجہ سے سری لنکا اپنے رنزکے تعاقب میں ہمیشہ پیچھے تھا۔ پتھم نسانکا نے 72 رنز بنائے اس سے پہلے کہ عمران ملک نے انہیں آوٹ کیا۔ دوسری جانب شاناکا 108 پر ناٹ آؤٹ رہے لیکن یہ نقصان کو کم کرنے کے لیے تھا۔عمران ملک نے تین وکٹیں حاصل کیں اور ساتھ ہی 156کلومیٹر فی گھنٹہ کی رفتار سے گیند بھی کی، جو ونڈے میں کسی ہندوستانی کی جانب سے اب تک کی سب سے تیز رفتار گیند ہے۔ محمد سراج نے بھی دو وکٹیں حاصل کی ۔87 گیندوں پر 113 رنز کی شاندار اننگز کے لیے، کوہلی کو پلیئر آف دی میچ قرار دیا گیا اور میزبان ٹیم نے سری لنکا کو 67 رنز سے شکست ہوئی تھی۔ پہلے مقابلے میں ہندوستان نے مجموعی طور پر کھیل کے تمام شعبوں میں عمدہ مظاہرہ کیا اور کل یہاں تاریخی میدان ایڈن گارڈنز میں نئے سال کی پہلی ونڈے سیریز میں کامیابی کیلئے کوشاں ہوگی ۔ ایڈن گارڈنز کی پچ بیٹنگ کے لیے موزوں ہے اور ایسا لگتا ہے کہ ایک اور ہمالیائی اسکور والا میچ متوقع ہے۔ ٹاس جیتنے کے بعد پہلے فیلڈنگ اہم فیصلہ ہونا چاہیے۔ فی الحال بارش کا کوئی امکان نہیں ہے اور درجہ حرارت 26 ڈگری سیلسیس کے نشان کے آس پاس رہے گا۔ نمی زیادہ تر30 کے ہندسے میں ہوگی۔ہندوستان واضح طور پر سیریز کے ابتدائی میچ میں دونوں ٹیموں سے بہتر نظر آیا، خاص طور پر بیٹنگ کے شعبے میں وہ آگے تھا ۔ میزبان ٹیم اگلے میچ میں سیریز کے حصول کیلئے پسندیدہ موقف کے ساتھ میدان میں اترے گا اور یہ میچ جیت کر سیریز میں 2-0 کی ناقابل تسخیر برتری حاصل کرنے کیلئے کوشاں ہوگا۔
خطرناک دکھائی دینے والی اس پارٹنرشپ کو نسیم شاہ نے ہی توڑا، جب 183 کے مجموعی اسکور پر نسیم نے کونوے کو خوبصورت انداز میں بولڈ کیا۔نیوزی لینڈ نے اپنی اننگز میں 261 رنز بنائے۔
