بیونس آئرس :ہندوستان نے شکست کے دہانے سے شاندار واپسی کرتے ہوئے اولمپک چمپئن ارجنٹینا کو پہلے مقررہ وقت میں2-2 گول کے اسکور سے کامیابی سے روکا اور پھرگول کیپر پی آر سریجیش کی عمدہ کارکردگی نے میزبان ارجنٹینا کو 3-2 سے شکست دیکر بونس پوائنٹس بھی حاصل کیا۔آخری سیٹی میں محض25 سیکنڈ باقی رہ گئے تھے کہ ہندوستان کو پنالٹی کا کارنر دیا گیا اور اس وقت ارجنٹینا2-1کی برتری کے ساتھ آگے تھا۔ ہرمن پریت سنگھ کی برق رفتار سے لگائے ڈریگ فلک سے ہندوستان نے میچ کااسکور 2-2 کردیا۔ پھر میچ کے فیصلے کے لئے پنالٹی شوٹ آؤٹ کا سہارا لیا گیا۔ شوٹ آؤٹ میں ہندوستان کی جانب سے للت اپادھیائے ، روپندر پال سنگھ اور دلپریت سنگھ نے گول اسکور کئے ، جبکہ ہندوستان کے تجربہ کار گول کیپر پی آرسریجیش نے ہندوستان کو بونس پوائنٹس کے ساتھ کامیابی دلوانے میں اہم کردار ادا کیا۔اس سے قبل ہندوستان نے مقررہ وقت میں نائب کپتان ہرمن پریت سنگھ کے شاندار گول کے ساتھ21 ویں منٹ میں1-0 کی برتری حاصل کرلی تھی ۔ ارجنٹینا نے جوابی حملہ کیا جس سے ان کو فائدہ ہوا اور میزبان ٹیم کے مارٹن فریرو نے28 ویں منٹ میں ارجنٹینا کے لئے گول کرکے میچ کو برابرکردیا۔ فریرو نے30 ویں منٹ میں ارجنٹیناکو ایک اور پنا لٹی کارنر ملا اور2-1 کی برتری دلانے میں کلیدی کردار ادا کیا۔تیسرے کوارٹر میں کوئی گول نہیں ہوا تھا حالانکہ دونوں ٹیموں نے ایک دوسرے پر دباؤ برقرار رکھا تھا۔ آخری کوارٹر کے آخری لمحات میں من پریت نے ہندوستان کو ایک پنالٹی کارنرملا جو آخر میں فیصلہ کن ثابت ہوا۔ اس پنالٹی کارنر پر ہرمن پریت نے میچ کو برابر کیا اور اس کے بعد ہندوستان نے شوٹ آؤٹ میں میچ جیت لیا۔
