نئی دہلی: چیف الیکشن کمشنر راجیو کمار نے منگل کو کہا کہ ہندوستان جلد ہی ایک ارب سے زیادہ ووٹروں والا ملک ہونے کا نیا ریکارڈ بنائے گا۔انہوں نے دہلی اسمبلی انتخابات کی تاریخ کا اعلان کرنے کے لیے منعقدہ پریس کانفرنس میں یہ بھی بتایا کہ سال 2024 عالمی سطح پر انتخابات کا سال تھا جب دنیا کی دو تہائی آبادی نے جمہوریت کے مختلف انتخابات میں ووٹ دیا۔چیف الیکشن کمشنر نے کہاکہ آٹھ ریاستوں اور مرکز کے زیر انتظام علاقوں میں بھی انتخابات ہوئے۔. ایک اچھا ماحول تھا، ووٹنگ فیصد، لوگوں کی شرکت، لوک سبھا انتخابات میں خواتین کی شرکت کے لحاظ سے نئے ریکارڈ قائم کیے گئے۔کمار نے کہاکہ ووٹرس کی فہرست کل جاری کی گئی تھی۔ہم 99 ملین ووٹرز کو پیچھے چھوڑ رہے ہیں۔ ہم بہت جلد ایک ارب ووٹروں کا ملک بننے جا رہے ہیں، جو ووٹنگ میں ایک اور ریکارڈ ہوگا۔انہوں نے یہ بھی بتایا کہ خواتین ووٹرز کی تعداد بھی 48 کروڑ کے لگ بھگ ہونے والی ہے۔
