نیویارک: امریکہ نے ہندوستان سے سکھ رہنماؤں کے قتل کے معاملہ میں شفاف تحقیقات کا مطالبہ کردیا۔ ہردیپ سنگھ نجر کے قتل اور گرپرونت پنوں کے قتل میں ہندوستانی ایجنسیوں کے ملوث ہونے کے ثبوت منظر عام پر آ گئے۔ کینیڈین وزیراعظم نے ہردیپ سنگھ کے قتل میں بھارتی ایجنسیوں کے ملوث ہونے کی تصدیق کی تھی اور ہندوستانی حکام سے ہردیپ سنگھ کے قتل میں تحقیقات اور تعاون کا مطالبہ کیا تھا۔ امریکہ نے بھی ہندوستان سے سکھ رہنماؤں کے قتل میں ملوث افراد کے خلاف شفاف تحقیقات کا مطالبہ کر دیا۔ امریکہ نے کہا کہ ہم سکھ رہنماؤں کے قتل کی تحقیقات میں کینیڈا کے ساتھ ہیں اور بھارت پر لگائے گئے کینیڈا کے الزامات کو سنجیدگی سے دیکھ رہے ہیں، ہم چاہتے ہیں کہ ان حملوں کے ذمہ داران کو قانون کے کٹہرے میں لایا جائے اور اس واقعہ کے ذمہ داروں کو قرار واقعی سزا دی جائے۔
