نئی دہلی: ہندوستان میں ہر آٹھویں شخص کوگلوکوما ہونے کا خطرہ ہے جو ناقابل علاج اندھے پن کا سبب بنتا ہے یہ بات یہاں ایک ماہر صحت نے کہی ہے ۔ بصری معلومات کو آنکھ سے دماغ تک منتقل کرنے میں آپٹک اعصاب ایک اہم کردار ادا کرتا ہے، اور گلوکوما سے مراد آنکھوں کی حالتوں کا ایک گروپ ہے جو اس اعصاب کو نقصان پہنچا سکتا ہے۔گلوکوما ہندوستان میں ناقابل علاج اندھے پن کی ایک اہم وجہ ہے اور ہرکوئی اس بیماری کا شکار ہے۔ آئی کیرآئی ہسپتال کی ایک ڈاکٹر رینا چودھری، نے ایک بیان میں کہا۔گلوکوما عام طور پر خاموش بینائی کی کمی کا باعث بنتا ہے، جس کی کچھ اقسام آنکھوں کے ہلکے درد، سر میں درد، اور روشنی کے گرد قوس قزح کے رنگ کے دائروں سے منسلک ہوتی ہیں۔ نیشنل ہیلتھ پورٹل کے حالیہ اعدادوشمار سے پتہ چلتا ہے کہ ہندوستان میں تقریباً 40 ملین افراد، یا ہر آٹھواں شخص گلوکوما کا شکار ہے یا اس کی نشوونما کا خطرہ ہے۔ 40 سال اور اس سے زیادہ عمرکے افراد میں، تقریباً 11.2 ملین گلوکوما کا شکار ہیں، جن میں سے 1.1 ملین بصارت سے محروم ہیں، جن میں بچے بھی شامل ہیں۔ایشیا میں گلوکوما کے2040 تک اضافی 27.8 ملین افراد کو متاثرکرنے کا امکان ہے، جس کا بوجھ ہندوستان اور چین کو برداشت کرنا پڑے گا۔ اگرچہ گلوکوما کسی بھی عمر میں ہوسکتا ہے، یہ بنیادی طور پر 40 سال سے زیادہ عمر کے لوگوں کو متاثر کرتا ہے۔
