نئی دہلی، 30 اکتوبر (یواین آئی) ہندوستان نے جموں و کشمیر پر اسلامی تعاون تنظیم (او آئی سی) کے بیان کو یکسر خارج کرتے ہوئے کہا کہ تنظیم کو ہندوستان کے داخلی معاملات میں مداخلت کا کوئی حق نہیں ہے ۔جمعرات کو یہاں ہفتہ وار بریفنگ میں اس تعلق سے ایک سوال کے جواب میں وزارت خارجہ کے ترجمان رندھیر جیسوال نے کہا کہ ہندوستان اس بیان کو مسترد کرتا ہے اور تنظیم کو اس معاملے پر بات کرنے کا کوئی حق نہیں ہے ۔انہوں نے کہا کہ ہم ان بیانات کو مسترد کرتے ہیں، انہیں ہندوستان کے اندرونی معاملات پر بولنے کا کوئی حق نہیں ہے ۔قابل ذکر ہے کہ او آئی سی نے حال ہی میں جموں و کشمیر پر پاکستان کا راگ الاپتے ہوئے کہاتھا کہ ہندوستان نے جموں و کشمیر پر غیر قانونی قبضہ کر رکھا ہے ۔