کراچی : پاکستان پیپلز پارٹی کے لیڈر بلاول بھٹو زرداری نے ہندوستان کو دھمکی دیتے ہوئے کہا ہے کہ سندھ کی شناخت ہے اور اسے موڑنے یا روکنے کی کسی بھی کوشش کا جواب خونریزی سے دیا جائے گا۔سندھ میں عوام سے خطاب کرتے ہوئے انہوں نے کہا کہ ہم اپنے دریا کو بچانے کے لیے آخری حد تک لڑنے کے لیے تیار ہیں، ہم جنگ نہیں چاہتے لیکن اگر سندھ پر حملہ کیا تو وہ جانتے ہیں کہ یا تو اس دریا سے پانی بہے گا یا ان کا خون! بھٹو نے سندھ طاس معاہدے کے خاتمہ کے بعد کئی ہندوستان مخالف بیانات دیے ہیں، خاص طور پر جب سندھ پہلے ہی پانی کے بحران کا سامنا کر رہا ہے اور پاکستان کی زیادہ تر زراعت کا انحصار سندھ کے پانی پر ہے ۔ پیپلز پارٹی کے آفیشل ایکس چینل پر ایک ویڈیو میں سابق وزیر خارجہ نے دریائے سندھ کو سندھ کا فخر، اس کی شناخت قرار دیتے ہوئے کہا کہ ہندوستان اور پاکستان دونوں ہی اس دریا سے اپنی اصلیت کا پتہ لگاتے ہیں۔
