ٹوکیو۔ اولمپک کھیلوں میں41 سال کی قحط سالی کوختم کرنے کی پورے ملک کی توقعات پرکھرے اترتے ہوئے ہندوستانی مردوں کی ہاکی ٹیم ٹوکیواولمپک میں اپنے گروپ مرحلے مہم میں فاتحانہ آغازکیا اور پہلے مقابلے میں نیوزی لینڈ کے خلاف 2-3 سے شاندارجیت درج کی ہے ۔مسابقتی اس مقابلے میں ہندوستان نے جارحانہ آغازکیا اور مندیپ سنگھ نے نیلکانت شرما کی مددسے تیسرے منٹ میں ہندوستانی کے لئے ابتدائی پنالٹی کارنر حاصل کیا، حالانکہ وہ اسے گول میں تبدیل نہ کرسکے ۔ دریں اثناء نیوزی لینڈ نے پانچویں منٹ میں پنالٹی کارنرحاصل کیا اورکین رسیل نے اسے گول میں تبدیل کیا، لیکن ہندوستان زیادہ دیرتک پیچھے نہ رہا اورروپندرپال سنگھ نے دسویں منٹ میں گول کرتے ہوئے ہندوستانی ٹیم کاکھاتہ کھولا، جبکہ ہرمن پریت سنگھ نے26 ویں اور 33 ویں منٹ میں گوک بناکرکر برتری میں اضافہ کیا، لیکن یہ تجربہ کارگول کیپر پی آرشریجیش تھے ، جنہوں نے میچ کے آخری لمحات میں نیوزی لینڈ کوبرابری کرنے سے روکنے کے لئے گول پوسٹ میں بہت عمدہ کام کیا اورٹیم کی برتری قائم رکھنے میں مددکی، جس سے میچ ٹیم کے حق میں گیا۔پہلے کوارٹرمیں دونوں ٹیموں کے درمیان زوردارٹکرہوئی۔ نیوزی لینڈ نے ہندوستان کے پنالٹی کارنر ڈفینس کومصروف رکھا، کوارٹر کے آخر میں نیوزی لینڈ کوچارپنالٹی کارنرملے لیکن تجربہ کار گول کیپر پی آرشریجیش نے شاندار مظاہروں سے نیوزی لینڈ کواسکورکرنے سے روکا۔کامیابی میں گول کیپر کا اہم کرداررہا۔
