دبئی۔ پاکستان کے سابق کپتان انضمام الحق نے عمان اور متحدہ عرب امارات (یو اے ای) میں جاری آئی سی سی مینز ٹی 20 ورلڈ کپ جیتنے کے لیے ہندوستان کو پسندیدہ ٹیم قراردیا ہے۔انضمام کو لگتا ہے کہ ویراٹ کوہلی کی زیر قیادت ہندوستان کے پاس ٹرافی جیتنے کا زیادہ امکان ہے کیونکہ خلیجی ممالک کے حالات برصغیر کی طرح ہیں ، جس کی وجہ سے ہندوستان ایونٹ میں سب سے خطرناک فریق ہے۔انضمام نے اپنے یوٹیوب چینل پر کہا کہ کسی بھی ٹورنمنٹ میں ، یہ یقینی طور پر نہیں کہا جا سکتا کہ ایک خاص ٹیم جیتے گی یہ سب کچھ اس کے جیتنے کے کتنے مواقع کے بارے میں ہے۔ موجودہ حالات میں ہندوستان کی کامیابی کے امکانات زیادہ ہیں ۔انہوں نے کہا کہ ہندوستانی بیٹرس سے زیادہ بولروں کو یہاں کے حالات میں کھیلنے کا بہت تجربہ ہے۔ انڈین پریمیئر لیگ (آئی پی ایل) حال ہی میں متحدہ عرب امارات میں کھیلی گئی تھی اور بیشتر ہندوستانی بولروں نے اس لیگ میں اچھی کارکردگی کا مظاہرہ کیا ہے۔انصمام نے ہندوستانی ٹیم کی پر اعتماد انداز میں تعریف کی جس میں انہوں نے آسٹریلیا کے خلاف ہدف کا پیچھا کرتے ہوئے چیلنجنگ ٹریک پر کوہلی کی بیٹنگ کی ضرورت کے بغیر کامیابی حاصل کی۔ہندوستان نے آسٹریلیا کے خلاف اپنا وارم اپ میچ آرام سے کھیلا۔ اس طرح برصغیر کی پچوں پر کھیلا جاتا ہے جس سے ہندوستان دنیا کی سب سے خطرناک ٹی 20 ٹیم ہے۔ ہندوستان نے 155 رنز کا تعاقب کیا تو انہیںکوہلی کی ضرورت بھی نہیں تھی جس سے ظاہر ہوتا ہے کہ ٹیم کس قدر پرعزم ہے ۔ورلڈ کپ کونسی ٹیم جیتے گی اس ضمن میں اگرچہ انہوں نے کوئی پسندیدہ ٹیم کا انتخاب نہیں کیا لیکن انہوں نے ہندوستان کو سب سے خطرناک ٹیم قرار دیا۔ انضمام نے 24 اکتوبر کو سوپر 12 میں ہونے والے ہندوستان اور پاکستان کے ٹکراؤ کو فائنل سے پہلے فائنل قرار دیا اور کہا کہ جیتنے والی ٹیم بلند حوصلوں کے ساتھ دیگر میچوں میں شرکت کرے گی ۔سوپر12 میں ہندوستان اور پاکستان کے درمیان میچ فائنل سے پہلے کا فائنل ہے۔ کوئی بھی میچ اس سے زیادہ مشہور نہیں ہوگا۔ یہاں تک کہ 2017 کی چمپئنز ٹرافی میں بھی۔ ہندوستان اور پاکستان نے ایک دوسرے کا سامنا کرکے ٹورن منٹ شروع کیا اور ختم کیا اور دونوں میچز فائنل کی طرح محسوس ہوئے لیکن ٹی 20 کے اس میچ میں جیتنے والی ٹیم کے حوصلے بلند ہوں گے ۔ یادرہے ٹی 20 ورلڈ کپ میں ہندوستان اور پاکستان کا مقابلہ 24 اکٹوبر کوہونا ہے اور اس مقابلے کے ساتھ دونوں ٹیموں میگا ایونٹ کا آغاز کررہی ہیں جبکہ آئی سی سی ورلڈ کپ میں ہندوستان کا پاکستان کے خلاف فتوحات کا ریکارڈ صدفیصد ہے۔
پاکستان خطاب کی دوڑ میں :بشپ
دبئی ۔ویسٹ انڈیز کے سابق ٹسٹ فاسٹ بولر این بشپ نے پاکستان کو ٹی20 ورلڈکپ جیتنے کیلئے پسندیدہ قرار دیا ہے۔این بشپ نے کہا ہے کہ ہندوستان، پاکستان، نیوزی لینڈ اور ویسٹ انڈیز ورلڈکپ جیتنے کی دعویدار ہیں۔اس سے قبل پاکستان کے سابق کرکٹر اور کمنٹیٹر بازید خان نے کہا کہ ہندوستان اور پاکستان ان چار ٹیموں میں سے دو ہوں گی جو آئی سی سی مینز ٹی 20 ورلڈ کپ کے سیمی فائنل میں رسائی حاصل کریں گی۔پاکستان کو امارات کی وکٹوں پر کھیلنا کا وسیع تجربہ ہے۔
