خلائی تحقیق تنظیم ’اِسرو‘ کا کارنامہ، پی ایم مودی نے جنوبی افریقہ سے ہندوستانیوں اور خلائی سائنسدانوں کو مبارکباد دی
بنگلورو: ہندوستان نے آج تاریخ رقم کی ہے کیونکہ وہ چاند کی سطح کے جنوبی قطب پر اترنے والا پہلا ملک بن گیا ہے۔ وزیراعظم نریندر مودی نے اس کامیابی پر ہندوستانیوں اور خلائی سائنسدانوں کو مبارکباد دی،جو ہندوستان کے لیے ایک تاریخی لمحہ ہے۔ ہندوستان چاند کی سطح پر خلائی جہاز کو نرمی سے اتارنے والا پہلا ملک بن گیا ہے۔ جیسے ہی چہارشنبہ 23 اگست کی شام چاند پر اسرو کے چندریان 3 نے جنوبی قطب پر اتر کر تاریخ رقم کی۔ ہندوستان چاند کے قطب جنوبی پر کامیابی سے اترنے والا دنیا کا پہلا ملک بن گیا ہے۔چندریان۔3 نے شام 5.44 بجے لینڈنگ کا عمل شروع کیا۔ اس کے بعد اگلے 20 منٹ میں اس نے چاند کے آخری مدار سے 25 کلومیٹر کا سفر مکمل کیا۔ چندریان3 کے لینڈر نے چاند پر پہلا قدم شام 6 بجکر 40 منٹ پر رکھا۔اسرو کے ڈائریکٹر ایس سومناتھ نے کہاکہ اگلے 14 دن ہمارے لیے بہت اہم ہیں۔ پرگیان روور کو باہر آنے میں بھی ایک دن لگ سکتا ہے۔پرگیان ہمیں چاند کے ماحول کے بارے میں معلومات فراہم کرے گا۔ ہمارے پاس بہت سے مشنز ہیں۔ جلد ہی آدتیہ ایل 1 کو سن کو بھیجا جائے گا۔ گگنیان پر بھی کام جاری ہے۔23 اگست کو ہندوستان کے چاند مشن کے چاند پر کامیابی کے ساتھ اترنے کے بعد چندریان 3 نے اپنا پہلا پیغام بھیجا کہ وہ اپنی منزل پر پہنچ گیا اور ہندوستان کو مبارکباد بھی دی۔ چہارشنبہ کی شام چاند کی سطح کو چوم کر خلائی سائنس میں کامیابی کا ایک نیا باب قائم کیا۔ سائنسدانوں کے مطابق اس مہم کے آخری مرحلے میں تمام عمل پہلے سے طے شدہ منصوبوں کے مطابق درست طریقے سے آگے بڑھا۔ چندریان۔3 مشن: ‘ہندوستان میں اپنی منزل پر پہنچ گیا اور آپ بھی!’: چندریان -3 چندریان۔چاند پر کامیابی کے ساتھ سافٹ لینڈنگ کر چکا ہے!مشن کا اصل امتحان لینڈنگ کے آخری مرحلے سے شروع ہوا۔ لینڈنگ سے 20 منٹ پہلے، اسرو نے آٹومیٹک لینڈنگ سیکوئنس (ALS) شروع کیا۔کامیاب لینڈنگ کے بعد روور کے باہر آنے کا انتظار ہے۔اب ہر کوئی وکرم لینڈر سے پرگیان روور کے باہر آنے کا انتظار کر رہا ہے۔ یہ غبار اڑنے کے بعد نکلے گا۔ اس میں تقریباً 1 گھنٹہ 50 منٹ لگیں گے۔ اس کے بعد وکرم اور پرگیان ایک دوسرے کی تصویر بنا کر زمین پر بھیجیں گے۔اس نے وکرم ایل ایم کو چارج سنبھالنے اور اپنے آن بورڈ کمپیوٹرز اور منطق کا استعمال کرتے ہوئے ایک سازگار جگہ کی نشاندہی کرنے اور چاند کی سطح پر سافٹ لینڈنگ کرنے کے قابل بنایا۔یہ قابلِ ذکر کارنامہ ابھی تک کسی اور ملک نے حاصل نہیں کیا ہے۔ماہرین کا کہنا ہے کہ مشن کی کامیابی کے لیے آخری 15 سے 20 منٹ انتہائی اہم تھے جب چندریان 3 کا وکرم لینڈر اپنی سافٹ لینڈنگ کے لیے نیچے اترا۔ پورے ملک اور دنیا بھر کے ہندوستانیوں سے آج چندریان۔3 کی کامیاب لینڈنگ کیلئے دعائیں کی گئی ہیں۔ ہندوستانیوں میں چندریان۔3 کی سافٹ لینڈنگ کولیکر کافی جوش و خروش تھاوزیر اعظم مودی نے جوہانسبرگ سے ویڈیو کانفرنسنگ میں شامل ہوکر سائنسدانوں کو مبارکباد دی۔ انہوں نے کہاکہ یہ لمحہ ہندوستان کی طاقت کا ہے۔یہ ہندوستان میں نئی توانائی، نئے شعور کا لمحہ ہے۔ اہم نے زمین پر عہد لیا اور چاند پر اسے پورا کیا۔ ہم نے خلا میں نئے ہندوستان کی نئی پرواز کا مشاہدہ کیا ہے۔
چاند پر اترنے میں 41 دن لگے
چندریان 3 کو آندھرا پردیش کے سری ہری کوٹا سے 14 جولائی کو صبح 3.35 بجے لانچ کیا گیا تھا۔ اسے چاند کی سطح پر اترنے میں 41 دن لگے۔ چاند کا زمین سے فاصلہ 3 لاکھ 84 ہزار کلومیٹر ہے۔
لینڈنگ کے بعد کیا ہوگا؟
وکرم آن ہو گا اور دھول اڑنے کے بعد بات چیت کرے گا۔پھر ریمپ کھلے گا اور پرگیان روور ریمپ سے چاند کی سطح پر آئے گا۔یہ پہیے چاند کی سطح پر اشوکا ستون اور اسرو کے لوگو کا نشان چھوڑیں گے۔وکرم لینڈر پرگیان اور وکرم کے پرگیان کی تصویر لیں گے۔ وہ اس تصویر کو زمین پر بھیجیں گے۔