گومی (جنوبی کوریا)، 28 مئی (آئی اے این ایس) ۔ ہندوستان نے ایشین ایتھلیٹکس چمپئن شپ 2025 کے دوسرے دن شاندار کارکردگی کا مظاہرہ کرتے ہوئے 4×400 میٹر مکسڈ ریلے میں گولڈ میڈل جیتا، جب کہ تیجس وِن شنکر نے ڈیکیتھلون میں سلور میڈل حاصل کیا۔ مکسڈ ریلے میں ہندوستانی ٹیم سنتوش کمار تملاسرن، روپال، وِشال تھیانراسو کَیالائزو اور شبھا وینکٹیش نے 3:18.12 منٹ کا وقت لے کر پہلا مقام حاصل کیا۔ چین نے 3:20.52 کے ساتھ سلور اور سری لنکا نے 3:21.95 کے ساتھ برونز میڈل حاصل کیا۔ اس کامیابی کے ساتھ ہندوستان نے چمپئن شپ میں دوسرا گولڈ میڈل حاصل کیا۔ مجموعی طور پر دو دن کے اختتام پر ہندوستان کے میڈلسکی تعداد 8 ہو چکی ہے۔ دن کی شروعات خواتین کی 400 میٹر دوڑ میں روپال چودھری کے سلور میڈل سے ہوئی، جنہوں نے 52.68 سیکنڈز میں دوڑ مکمل کی۔ جاپان کی ناناکو ماتسوموتو نے 52.17 سیکنڈز میں دوڑ مکمل کرکے گولڈ میڈلجیتا، جبکہ ازبکستان کی جونبیبی حکموا کو 52.79 سیکنڈز کے ساتھ برونز میڈلحاصل ہوا۔ ہندوستان کی وِتیا رام راج پانچویں نمبر پر رہیں۔
