نئی دہلی : پیرس اولمپکس میں بھارت کو ابتک واحد میڈل جتوانے والی مانو بھاکر کے کوچ جسپال رانا 3 سالوں سے تنخواہ سے محروم ہونے کا انکشاف ہوا ہے۔میڈیا کی رپورٹس کے مطابق پیرس اولمپکس میں شوٹنگ مقابلوں میں ہندوستان کو برانز میڈل جتوانے والی مانو بھاکر کے کوچ جسپال رانا نے انٹرویو کے دوران بتایا کہ ایونٹ کے بعد وطن واپس لوٹ کر نوکری تلاش کروں گا اور نئے سرے سے آغاز کروں گا، مجھے نوکری کی تلاش ہے اور 3 برسوں سے تنخواہ نہیں ملی۔انہوں نے کہا کہ ٹوکیو اولمپکس کے بعد مجھے ولن بنا دیا گیا، مانو بھاکر پسٹل کی خرابی کے باعث میڈل نہ جیت سکیں حالانکہ اس دوران میں موجود نہیں تھا۔جسپال رانا کا کہنا تھا کہ نیشنل رائفل ایسوسی ایشن آف انڈیا یا کسی دوسرے ادارے نے مجھے 3 سال سے تنخواہ نہیں دی لیکن میں بہت خوش ہوں کہ مانو بھاکر نے میڈل جیتا ہے، اب میں بھارت واپس جا کر جاب تلاش کروں گا اور نئے سرے سے آغاز کروں گا۔
