لندن ۔انگلینڈ کرکٹ ٹیم کے سابق کپتان مائیکل وان نے ونڈے ورلڈ کپ کے لیے ہندوستان کو پسندیدہ سمجھنا بالکل فضول قراردیا۔مائیکل وان نے برطانوی اخبار میں اپنے کالم میں لکھا کہ جب اگلے سال ہندوستان میں ورلڈکپ شروع ہوگا تو لوگ ہندوستان کو پسندیدہ کہیں گے جو کہ بالکل فضول بات ہے۔ مائیکل وان نے اگلے ورلڈکپ میں انگلینڈ کو بڑی ٹیم قرار دیتے ہوئے لکھا کہ اگلے سال ہندوستان میں ہونے والا 50 اوورکا ورلڈ کپ جیتنا انگلش ٹیم کے لیے اگلا بڑا ٹکٹ ہوگا، ٹیم کے پاس اچھے اسپنرز ہیں۔سابق انگلش کپتان نے لکھا کہ انگلینڈ کو بھی ورلڈ کپ کی پسندیدہ ٹیموں میں شامل کرنا ہوگا۔ انہوں نے اپنی تحریر میں ہندوستانی کرکٹ بورڈ بی سی سی آئی کو تجویز دی کہ بڑے خطابات دوبارہ جیتنے کے لیے بی سی سی آئی کو انگلینڈ کے کرکٹ بورڈ کے ماڈل کو دیکھنا چاہیے۔
