مرکزی وزیر داخلہ امت شاہ نے پیر کو کہا کہ ہندوستان کی زمین پر قبضہ کرنے کا دور ختم ہو گیا ہے اور ہم فوج کی بہادری کی وجہ سے محفوظ ہیں۔ انہوں نے کہا کہ سوئی کی نوک کے برابر بھی ہم سے زمین کوئی نہیں چھین سکتا۔ وہ اروناچل پردیش میں لائن آف ایکچوئل کنٹرول (ایل اے سی) کے قریب کبتو علاقے میں وائبرنٹ ولیج کے ایک پروگرام سے خطاب کر رہے ہیں۔وزیر داخلہ نے کہا، ‘آج پورا ملک اپنے گھروں میں سکون کی نیند سو سکتا ہے کیونکہ ہماری انڈو تبت بارڈر پولیس (آئی ٹی بی پی) کے اہلکار اور فوج ہماری سرحدوں پر دن رات کام کر رہے ہیں۔ آج ہم فخر سے کہہ سکتے ہیں کہ ہم پر بری نظر ڈالنے کی طاقت کسی میں نہیں ہے ۔
