لاہور۔12 فروری (سیاست ڈاٹ کام)کبڈی ورلڈ کپ میں دفاعی چمپین ہندوستان، جرمنی اور آسٹریلیا کی ٹیمیں کامیاب رہیں۔ لاہور کے پنجاب اسٹیڈیم میں کھیلے گئے میچز میں دفاع چمپین ہندوستان نے سیرا لیون کے خلاف میچ میں ہاف ٹائم پر 8-22 کی برتری حاصل کرنے کے بعد اسے مزید مستحکم کرتے ہوئے میچ میں 18-45 کے فرق سے کامیابی حاصل کی۔ جرمنی اور انگلینڈ کے درمیان دلچسپ مقابلے کی توقع تھی لیکن جرمنی نے اپنی حریف کو باآسانی 24-53 سے زیر کر کے کامیابی اپنے نام کی۔ دن کے تیسرے میچ میں آسٹریلیا نے آذربائیجان کو آؤٹ کلاس کرتے ہوئے 24-53 کے اسکور سے مات دے دی۔ آخر میں ایونٹ کی دوبارہ لاہور واپسی ہو گی جہاں 15 اور 16فروری کو بالترتیب سیمی فائنل اور فائنل مقابلے منعقد ہوں گے۔