نئی دہلی:ہندوستان کے مرکزی وزیر خارجہ ایس۔ جے شنکر نے ہفتے کے روز کہا کہ پاکستان سے نکلنے والی دہشت گردی اور چین کے ساتھ جارحانہ سرحد پار جھڑپوں کے خلاف ہندوستان کے جوابی ردعمل نے یہ ظاہر کیا ہے کہ ملک کسی کے دباؤ کے سامنے نہیں جھکے گا۔ انہوں نے کہا کہ ملک اپنی سلامتی کو یقینی بنانے کے لیے ہر ممکن اقدامات کرے گا۔ 2019 کے واقعے کا ذکر کرتے ہوئے، جے شنکر نے کہا کہ پلوامہ دہشت گردانہ حملے کے جواب میں، فضائیہ کے ذریعے بالاکوٹ فضائی حملے کے ذریعے ایک بہت اہم پیغام دیا گیا تھا ہفتہ کی شام یہاں تامل ہفتہ وار ‘تغلق’ کی 53 ویں سالگرہ سے خطاب کرتے ہوئے، وزیر خارجہ نے کہا، “چین آج شمالی سرحدوں پر بڑے پیمانے پر فوجیں لا کر ہماری سرحدوں کی خلاف ورزی کرتے ہوئے جمود کو تبدیل کرنے کی کوشش کر رہا ہے۔ Covid-19 کے باوجود ہمارا جوابی ردعمل مضبوط اور پرعزم تھا۔ ہزاروں کی تعداد میں تعینات ہمارے فوجیوں نے دشوار گزار علاقوں میں ہماری سرحدوں کی حفاظت کی اور وہ اب بھی پوری تیاری کے ساتھ (سرحدوں کی حفاظت) کر رہے ہیں۔
