ہندوستان کے خلاف بہتر مظاہرے کا موقع:ربادا

   

نئی دہلی۔9 ستمبر (سیاست ڈاٹ کام ) جنوبی افریقہ کے فاسٹ بولر کگیسو رباڈا نے کہا کہ ہے دورہ ہندپر جنوبی افریقی کھلاڑیوں کیلئے سنہری موقع ہے کہ وہ دنیا کی بہترین ٹیم کے خلاف خود کے مقام کا تعین کرسکیں اور دیکھ سکیں کہ بہترین ٹیم کے خلاف ان کا کیامقام ہے۔ربادا نے مزید کہا کہ حالیہ برسوں میں ہندوستانی ٹیم کے مظاہرے غیر معمولی ہیں جبکہ اس دورہ پر موجود افریقی ٹیم میں کھلاڑیوں کی اکثریت نوجوانوں پر مشتمل ہے اور انہیں اپنی صلاحیتوں کو منوانے کا بہترین موقع ہے۔ ربادا نے موجود فاسٹ بولروں کے ضمن میں اظہار خیال کرتے ہوئے کہا کہ ان کی نظر میں ہندوستان کے جسپریت بمراہ اور انگلینڈکے جوفرا آرچر بہترین بولر ہیں ہیں۔ ربادا نے مزید کہا کہ مجھے یہ دونوں بولر پسند ہیں. وہ بہت بہترین بولنگ کرتے ہیں۔ ربادا نے کہا اس کے علاوہ میڈیا کچھ کھلاڑیوں کو غیر ضروری اہمیت دیتا ہے، اور یہ ٹھیک بھی ہے۔ مجھے پتہ ہے کہ میں بہت اچھا کھیل رہا ہوں۔ آرچر میں بہت صلاحیت ہے اور بمراہ بہترین بولنگ کر رہے ہیں اور یہ آپ کو اپنے کھیل کی سطح کو بلند کرنے کے لئے مجبور کرتا ہے۔ آپ ہمیشہ اعلی درجے کا مظاہرہ نہیں کر سکتے، یہ بات میں آپ کو بتا سکتا ہوں۔ انگلینڈ اینڈ ویلز میں اس سال ہوئے ورلڈ کپ میں ربادا کچھ خاص مظاہرہ نہیں کر پائے اور ٹیم کے مظاہروں نے بھی سبھی کو مایوس کیا ہے نیز ورلڈ کپ کے مایوس کن مہم کے بعد جنوبی افریقہ کا یہ پہلا دورہ ہے جہاں دونوں ٹیموں کے درمیان 3 ٹی 20 اور 3 ٹسٹ مقابلے ہوں گے۔ جنوبی افریقہ اب ہندوستان کا دورہ کرے گی اور ربادا ٹیم کے اہم بولرہیں ۔ ربادا نے کہا کیریئر کو برقرار رکھنا کبھی آسان نہیں ہوتا۔