دبئی ۔پاکستان کرکٹ ٹیم کے سابق چیف سلیکٹر انضمام الحق نے کہا ہے کہ ہندوستان کے خلاف ٹیم کے کھلاڑیوں کا انتخاب اہم ہوگا۔ بیٹنگ میں شروع سے ہی اچھا کھیل کر حریف ٹیم کو دباو میں رکھیں۔آئی سی سی ٹی ٹوئنٹی ورلڈ کپ میں پاکستان کے ہندوستان کے خلاف پہلے میچ سے متعلق انضمام الحق نے کہا کہ شاداب خان، شعیب ملک اور محمد حفیظ کا رول اہم ہوگا۔ جتنا ہمارے کھلاڑیوں نے متحدہ عرب امارات میں کرکٹ کھیلی کسی اور ٹیم نے نہیں کھیلی ہوگی۔ انضمام الحق نے کہا کہ ٹیم اب متوازن ہے اچھی کارکردگی دیکھنے میں آئے گی، سہیل تنویر نے کہا کہ شاہین آفریدی اور حسن علی ہماری پہلی ترجیح ہونی چاہیے اور ان دونوں کا کردار اہم ہوگا۔
