نئی دہلی،15جنوری(سیاست ڈاٹ کام)ایران کے وزیر خارجہ جاوید ظریف نے ان کے ملک کے تئیں امریکہ کی پالیسی کی مذمت کرتے ہوئے آج کہا کہ امریکی کارروائی قتل عام اور بین الاقوامی ضابطوں کی خلاف ورزی ہے ۔ساتھ ہی انہوں نے یہ بھی دعوی کیا کہ ایرانی فوجی کمانڈر قاسم سلیمانی کے قتل کی ہندوستان کے 430شہروں اور قصبوں میں احتجاج ہوا اور میٹنگوں میں اس کی مذمت کی گئی۔رائے سینا ڈائیوگ میں مسٹر ظریف نے آج کہا،‘‘ایران سفارت میں دلچسپی رکھتا ہے لیکن وہ امریکہ کے ساتھ سودے بازی کا خواہش مند نہیں ہے ۔’’انہوں نے کہا کہ امریکہ بات چیت کے دوران کئے گئے عزم سے خود ہی پیچھے ہٹا ہے ۔انہوں نے کہا کہ میجر جنرل سلیمانی کے قتل کی مخالفت میں نہ صرف ایران اور ہندوستان بلکہ دنیا بھر میں مخالفت ہوئی ہے ۔انہوں نے کہا،‘‘آپ نے اس پر صرف ایران میں ہی ردعمل نہیں دیکھا۔مجھے یہ سن کر حیرانی ہوئی کہ ہندوستان کے 430شہروں میں اس کی مخالفت ہوئی اور مذمت کی گئی۔یوکرین کے ایک طیارے کے ایران میں غلطی سے مارگرائے جانے کا ذکر کرتے ہوئے انہوں نے کہا کہ اس معاملے میں شروع میں ہمیں غلط اطلاع دی گئی۔اس کی وجہ سے ایران میں احتجاجی مظاہرے ہوئے ۔ایرانی وزیر خارجہ نے کہا کہ امریکہ ہر چیز کو اپنے نظریے سے دیکھتا ہے اور اسے اپنی پالیسی پر غور کرنا چاہئے ۔مسٹر ظریف نے کہا کہ امریکی پالیسی میں ‘رعونت اور لاپرواہی’پر مبنی ہے جو خطرناک ہے ۔
آرمی پر ہندوستان کو فخر : وزیراعظم
نئی دہلی ، 15 جنوری (سیاست ڈاٹ کام) وزیراعظم نریندر مودی نے آج آرمی ڈے کے موقع پر فوجیوں کو مبارکباد پیش کرتے ہوئے کہا کہ وہ ہندوستان کا فخر ہیں۔ انھوں نے ٹوئٹر پر تحریر کیا کہ انڈین آرمی مادرِ ہند کا فخر ہے۔ آرمی ڈے کے موقع پر میں ملک کے تمام سپاہیوں کی کبھی پست نہ ہونے والی ہمت اور ان کی شجاعت کو سلام کرتا ہوں۔ آرمی ڈے ہر سال 15 جنوری کو منایا جاتا ہے جو 1940 کے دہے میں اُس وقت کے انڈین آرمی کے کمانڈر اِنچیف لیفٹننٹ جنرل کے ایم کریپا کا آخری برطانوی کمانڈر انچیف آف انڈیا جنرل فرانسیس بوچر سے جائزہ حاصل کرنے کی یاد ہے۔ بعد میں کریپا فیلڈ مارشل بنے۔
