جوہانسبرگ۔ سابق کرکٹر اے بی ڈی ویلیئرز نے اس ہفتے کے شروع میں بینونی میں سیمی فائنل میں میزبان جنوبی افریقہ کے خلاف جیت کے بعد انڈر19 ہندوستانی ٹیم کی تعریف کی۔ ہندوستان نے جنوبی افریقہ کو چھٹا انڈر19 ورلڈکپ ٹائٹل کے ریکارڈ تک برقرار رکھنے کے لیے سیمی فائنل میں شکست دی۔ ادے سہارن کی زیرقیادت ٹیم نے میزبان ٹیم کو دو وکٹوں سے شکست دے کر نویں اورلگاتار پانچویں مرتبہ خطابی مقابلے میں جگہ بنائی۔ بینونی کے ولو مور پارک میں دوسرے سیمی فائنل میں ہیو ویبگن کی زیرقیادت ٹیم نے پاکستان کو سنسنی خیز مقابلے میں ایک وکٹ سے شکست دینے کے بعد بوائز ان بلیو کا مقابلہ اب اتوارکو آسٹریلیا سے ہوگا۔ میڈیا سے خصوصی بات کرتے ہوئے ڈی ویلیئرز نے جنوبی افریقہ کی شکست پر اپنی مایوسی کا اظہار کیا لیکن سیمی فائنل میں ہندوستانی ٹیم کی جیت کے لیے اس کی تعریف کی۔ انہوں نے کہا کہ ہاں، میں انڈر 19 ورلڈ کپ کا مشاہدہ کررہا ہوں۔ دو قریبی سیمی فائنل میچز تھے، خاص طور پر آسٹریلیا اور پاکستان کا میچ کافی سنسنی خیز رہا۔ آسٹریلوی ٹیم نو وکٹیں گنواچکی تھی لیکن وہ اس طرح کامیاب رہے جیسے وہ بڑے لمحات میں کرتے ہیں۔ نیز ہندوستان ۔جنوبی افریقہ کا میچ بھی قریب تھا۔ جنوبی افریقہ ابتدائی چار وکٹیں لینے کے باوجود دباؤ ڈالنے میں ناکام رہا۔ ہندوستان نے زبردست واپسی کی اور سیمی فائنل جیت لیا۔دونوں سیمی فائنلز میں ہندوستان اور آسٹریلیا نے جس طرح اعصاب پر قابو رکھتے ہوئی فتوحات حاصل کی ہے اس کے بعد امید کی جاسکتی ہے کہ یہ ایک دلچسپ فائنل ہوگا۔یہاں اس بات کا تذکرہ بھی اہم ہے کہ گزشتہ رات کے سیمی فائنل میں برصغیر کے کرکٹ شائقین پاکستان کی کامیابی کے خواہاں تھا تاکہ اتوار کو ہند۔پاک فائنل دیکھنے کا موقع مل سکے ۔
