کانپور: ہندوستان چاہے گا کہ ان کے اسٹار بیٹرس ویراٹ کوہلی اور روہت شرما بہتر مظاہرہ کریں جب طاقتور میزبان ٹیم کا مقصد جمعہ کو یہاں شروع ہونے والے دوسرے اور آخری ٹسٹ میں مشکل سے دوچار بنگلہ دیش کے خلاف کلین سویپ ہوگا۔ روی چندرن اشون کے آل راؤنڈ مظاہروں ، شبمن گل کی شاندار سنچری، رویندرا جڈیجہ کی معیاری بیٹنگ اور رشبھ پنت کی گرجدار واپسی نے پہلے دن بنگلہ دیش کے فاسٹ بولروں کے غلبہ کے باوجود چنئی میں ہندوستان کو آرام دہ فتح حاصل کی۔ جس طرح سے ہندوستان نے کھیل میں واپسی کی اس نے ٹسٹ کرکٹ میں اپنی بالادستی کو ثابت کیا ہے اور خاص طور پر گھر پر جہاں وہ مسلسل 18ویں سیریز جیتنے کے ریکارڈ کو بڑھانے کے راستے پر گامزن ہیں۔ وائٹ بال کرکٹ میں کامیاب واپسی کے بعد پنت کے لیے یہ ظاہر کرنے کا وقت تھا کہ یہ ٹسٹ کا میدان ہے جہاں وہ زیادہ سے زیادہ اثر ڈال سکتے ہیں۔ تاہم سیریزکے آغاز میں روہت اور کوہلی دونوں کے بیٹر خاموش رہے کیونکہ بنگلہ دیش کے فاسٹ بولروں حسن محمود اور تسکین احمد نے فاسٹ بولنگ کیلئے سازگار وکٹ پر بہترین بولنگ کی اور اس کا انہیں انعام بھی ملا۔ سامنے ایک طویل ٹسٹ سیزن کے ساتھ، دونوں بیٹرس کو رنزبنانے کی دوڑ میں واپس آنے کی ضرورت ہے۔ مارچ 2023 کے بعد گھر پر اپنا پہلا ٹسٹ کھیلتے ہوئے کوہلی نے اپنی رفتا نہیں دیکھائی اورہرکوئی ان پر بھروسہ کر سکتا ہے کہ وہ اپنی اننگز کے آغاز میں وسیع کور ڈرائیوز کی کوشش نہیں کریں گے۔ گرین پارک کی وکٹ روایتی طور پرکم اور سست ٹریک رہی ہے جو اسپنرزکی مدد کرتی ہے۔ اگرچہ یہ توقع کی جاتی ہے کہ ابتدائی طور پر فاسٹ بولروںکو کچھ مدد ملے گی لیکن پچ کی بنیادی نوعیت، جو کہ اناؤ سے لائی گئی کالی مٹی سے تیار کی گئی ہے، زیادہ تبدیل ہونے کی امید نہیں ہے۔ جیسے جیسے کھیل آگے بڑھے گا وکٹ سست ہوتی جائے گی۔ اس کا مطلب ہے، ہندوستان تین فاسٹ بولروں کے بجائے تین اسپنرز کو میدان میں اتارسکتا اگر واقعی ایسا ہے تو آکاش دیپ اسپنرکلدیپ یادو کے لیے راستہ بنا سکتے ہیں۔ اگر ہندوستان کو لگتا ہے کہ انہیں بیٹنگ میں ایک بیٹر کی ضرورت ہے، تو اکشر پٹیل گھریلو ہیروکلدیپ کو پیچھے چھوڑ سکتے ہیں، جس نے گزشتہ 18 مہینوں میں غیر معمولی کارکردگی کا مظاہرہ کیا ہے۔ 2021 میں گرین پارک میں کھیلے گئے آخری ٹسٹ میں ہندوستان نے تین اسپنروں اشون، جڈیجہ اور اکشر کو میدان میں اتارا تھا جو نیوزی لینڈ کے ساتھ سنسنی خیز ڈرا پر ختم ہوا۔ دلچسپ بات یہ ہے کہ 2021 کا مقابلہ اور اس سے پہلے 2016 میں (نیوزی لینڈ کے خلاف بھی) پانچ دن تک جاری رہا۔ دوسری جانب بنگلہ دیش جو سیریز کے افتتاحی میچ میں خود کو بیٹنگ میں کامیاب نہیں کرپائے ، توقع ہے کہ وہ اپنے پلیئنگ الیون میں تبدیلیاں کرے گا۔ انہوں نے چنئی میں اپنے پہلے ٹسٹ میں ایک اعلیٰ معیار کے ہندوستانی تیز رفتار حملے کے خلاف جدوجہد کی اور پھر ایک ناممکن ہدف کا تعاقب کرتے ہوئے اشون اور ان کے ساتھیوں کو سنبھال نہ سکے۔ ٹیم انتظامیہ نے شکیب الحسن کی دستیابی پر متضاد بیانات دیے ہیں جبکہ ایک سلیکٹر نے کہا ہے کہ وہ چنئی میں بیٹنگ کے دوران انگلی کی چوٹ کی وجہ سے غیر یقینی صورت حال کا شکار ہیں، چیف کوچ چندیکا ہتھور سنگھے نے کہا کہ وہ انتخاب کے دستیاب ہیں۔ بنگلہ دیش بائیں ہاتھ کے اسپنر تیج الاسلام کو ناہید رانا کی جگہ لے سکتا ہے۔ ان کے پاس آف اسپنر نعیم حسن بھی ہے۔
