نئی دہلی، 21اگست(یو این آئی)آج وزیرِاعظم نریندر مودی کو جمہوریہ فرانس کے صدر ایمانوئل میکرون کی جانب سے ایک ٹیلیفون کال موصول ہوئی۔دونوں رہنماؤں نے یوکرین اور مغربی ایشیامیں جاری تنازعات کے پرامن حل کیلئے کی جانے والی کوششوں پر تبادلہ خیال کیا۔صدر میکرون نے واشنگٹن میں یورپ، امریکہ اور یوکرین کے رہنماؤں کے درمیان حالیہ ملاقاتوں پر اپنا تجزیہ پیش کیا اور غزہ کی موجودہ صورتحال کے حوالے سے بھی اپنے خیالات سے آگاہ کیا۔ وزیرِاعظم نریندر مودی نے ان تنازعات کے پرامن حل اور امن و استحکام کی جلد بحالی کے لیے ہند کی مستقل حمایت کا اعادہ کیا۔
