ہند۔ نیوزی لینڈ فائنل، فالو آن کے قاعدہ میں کوئی تبدیلی نہیں

دوبئی۔ انٹرنیشنل کرکٹ کونسل (آئی سی سی) نے واضح کیا ہے کہ اگر ورلڈ ٹسٹ چمپئن شپ (ڈبلیو ٹی سی) فائنل کے پہلے دن بارش کی وجہ سے کھیل متاثر ہوتا ہے تو فالو آن اصول تبدیل نہیں ہوگا جو عام طورپر دیگر ٹسٹ میچوں میں ہوتا۔ آئی سی سی نے انگلینڈ کے ساوتھمپٹن میں 18سے 23جون تک ہندوستان اور نیوزی لینڈ کے مابین کھیلے جانے والے ڈبلیو ٹی سی فائنل میں فاضل دن کے مدنظر یہ وضاحت دی ہے ۔ عام معاملات میں فالو آن آئی سی سی قواعد کے آرٹیکل 14.1.1 تحت دیا جاتا ہے ۔ اس میں پہلے بیٹنگ کرنے والی ٹیم 200 رنوں کی سبقت ملنے کے بعد مخالف ٹیم کو پھر سے بیٹنگ کے لئے بلا سکتی ہے ۔ میچ کے دنوں کی تعداد کم ہونے پر رنوں کی تعداد بھی کم ہوجاتی ہے ۔ تین یا چار دنوں کے میچ میں 150 رن، دو دن کے میچ میں 100او ر ایک دن کے میچ میں 75رن کی لیڈ فالو آن کے لئے درست ہوتی ہے ۔ وہیں اگر میچ کے پہلے اور دوسرے دن کا کھیل نہیں ہوتا ہے تو آرٹیکل 14.1کھیل کی شروعات سے باقی دنوں (مقررہ محفوظ سمیت) کے مطابق نافذ ہوگا۔ جس دن پہلی بار کھیل شروع ہوتا ہے اسے پورے دن کے طورپر گنا جاتا ہے ، خواہ کھیل شروع ہونے کا وقت کچھ بھی ہو۔ پہلا اوور شروع ہونے کے بعد ہی کھیل کے دن کی گنتی ہوجائے گی۔ آئی سی سی نے اس بارے میں کہا کہ اگر پہلے اور دوسرے دن کا کھیل نہیں ہوتا ہے تو پہلی اننگز میں 200رنوں کی سبقت صرف 150رن تک کردی جائے گی۔ عام طورپر ایسا تب ہوتا ہے جب صرف پہلے دن کا کھیل نہیں ہوپاتا ہے لیکن محفوظ دن ہونے پر پہلے دن کا کھیل خراب ہونے کے باوجود 200رن کی ہی سبقت درست ہوگی۔