کابل : ہند و پاک تنازعہ کے دوران کابل میں ہندوستانی نمائندہ کی افغان وزیر خارجہ سے اہم ملاقات ہوئی ہے۔ جیو نیوز کی رپورٹ کے مطابق افغان وزیر خارجہ مولوی امیر خان متقی سے ہندوستان کے نمائندے آنند پرکاش نے کابل میں ملاقات کی۔ افغان سفارتی ذرائع کے مطابق ملاقات افغان وزارت خارجہ میں ہوئی، جس میں دونوں ممالک کے درمیان دو طرفہ سیاسی تعلقات، تجارت، ٹرانزٹ اور حالیہ علاقائی سیاسی صورتحال پر تفصیلی تبادلہ خیال کیا گیا۔ آنند پرکاش ہندوستانی وزارت خارجہ میں پاکستان، افغانستان اور ایران ڈویڑن کے ڈائرکٹر جنرل ہیں۔ افغان وزیر خارجہ نے اس موقع پر کہا کہ افغانستان اور ہندوستان کے درمیان سفارتی و اقتصادی تعلقات کو مزید فروغ دینا ہوگا۔
